“Mari sorgin ehiztari” fikziozko telesail berria estreinatu da Makusin
Mari pertsonaiaren botere bereziak izango ditu Mendialde ikastetxeko gazte batek, eta sorgin ehizan arituko da, mundua salbatzeko lanetan. Hartara, gatazka, egoera eta pertsonaia ugariri egin beharko dio aurre, deabru, sorgin, munstro eta abarrei. Horretarako, lagun talde berezi bat sortuko du sorginen aurka borrokatzeko eta gizartea zaintzen jarraitzeko.
Euskal mitologia ardatz hartuta, umore garratza, abenturak, naturaz gaindiko ahalmenak eta elementuak nahastuko ditu fikziozko telesail berriak. Ustekabeko egoera zein pertsonaiak agertuko dira, mundu magikoan barneratuta. Maiatzaren 16tik aurrera, ostiralero atal berri bat izango da ikusgai.
Adi egon eta jarraitu MAKUSI webgunean zein sare sozialetan, nobedade guztien berri izateko! Gainera, gogoan izan, MAKUSI bideo plataforman edukiak ahalik eta gehien pertsonalizatzeko, zure kontuaren barruan adinaren araberako profilak sortzea gomendatzen dizugu.
Jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn
