Ekoizpen propio bi estreinatuko ditugu maiatzean Makusin
Orotara, maiatzean lau estreinaldi izango ditugu plataforman, adin ezberdinetako haur eta gaztetxoei zuzendutakoak. “Mari sorgin ehiztari” fikziozko telesail berria eta “Ameslarien Banda” animazio birtualarekin landutako txotxongiloen saioa. Horretaz gain, animazioan ere izango dugu berritasunik, izan ere, “Ninja Dortokak” bigarren denboraldiarekin etorriko dira, eta “Doraemon” marrazki bizidun ezagunak ere denboraldia estreinatuko du.
Mari, Sorgin ehiztari (+8 urte)
Mundu magikoak eta errealak bat egingo dute euskal mitologiarekin lotura duen ekoizpen berrian, sorgin ehizan arituko den Mari protagonista nagusia izanik. Lagun talde berezi bat sortuko du sorginen aurka borrokatzeko, gizartea zainduz. Bidean zailtasun ugari aurkituko dituzte, ez da batere erraza izango sorginei aurre egitea. Maiatzaren 16tik aurrera atal berri bat izango duzue.
Ameslarien banda (0-4 urte)
Noski, Auskalo eta Baizera animazio birtualarekin landutako txotxongiloak itsasontzi batean ibiliko dira lainoen gainetik zeruak zeharkatuz eta haurren ametsak zainduz. Ametsean arazoren bat antzematen dutenean, alarmak joko du, itsasontzitik jaitsiko dira eta ametsean sartu, hura konpontzea izango baitute misio. Atal guztiak abesti bat izango dute amaieran eta iratxoekin batera kantuz agurtu ahalko ditugu hiru protagonistak. Maiatzaren 23tik aurrera ikusgai.
Ninja dortokak (8 urte)
Leonardo, Donatello, Michelangelo eta Raphael dortoken abentura berriak helduko dira bigarren denboraldi honetan. Lau Ninja Dortoken abenturak bizitzeko aukera izango dugu. Splinter maisuaren gidaritzapean, ninja-teknikak ikasi dituzte hiriko estoldetan, hamabost urtez. Orain, gainaldera igotzeko garaia dute, munduan agertzekoa.
Doraemon (5-8 urte)
Katu kosmikoak urteak daramatza gurean, eta hilabete honetan denboraldi berria estreinatuko dugu MAKUSIn. Zer nolako abenturak biziko dituzte Nobitak eta biek? Zein tresnarekin txundituko gaitu oraingoan? Maiatzaren 16tik aurrera ezin dezakezue atal berririk galdu.
Adi egon eta jarraitu MAKUSI webgunean zein sare sozialetan, nobedade guztien berri izateko! Gainera, gogoan izan, MAKUSI bideo plataforman edukiak ahalik eta gehien pertsonalizatzeko, zure kontuaren barruan adinaren araberako profilak sortzea gomendatzen dizugu.
Jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn!
