Hemen da “Power Up” telesailaren bigarren denboraldia!

Azaroaren 1etik badago ikusgai, MAKUSIn, “Power Up” telesailaren 2. denboraldia. Ohi legez, Araiaren abenturak MAKUSI bideo plataforman jarraitu ahalko dira, eta atal berri bat estreinatuko da astero.

Oraingo honetan, zer egingo du Araiak bere botereekin? Aurreko denboraldian bezala, bideo-jokoen trebetasunak erabiliko ditu bere eguneroko bizitzako erronkei aurre egiteko. Familia, lagunak, ikaskideak… gaur egungo nerabe baten kezkak izango ditu Araiak. Marina Ostolazarekin batera, Andere Garabieta (Mai), Ander Murillo (Josu), Jon Lukas (Kenai), Iras (Iulian) eta Gabriel Ocina (Jauna) aktoreek gorpuztuko dituzte pertsonaia nagusiak.

Abenturak, maitasuna, endredoak, misterioak eta sorpresak; den-dena eskutik joango da “Power Up”en 2. denboraldian. Eta, jakina, bideojokoen munduak eta arkade jokoek ere paper garrantzitsua jokatuko dute istorio berrietan.

Egin klik hemen atal guztiak ikusteko!

PO-WER UUUUP!!!!!!!!