Irailaren 4tik 7ra egingo da Animadeba Nazioarteko Animazio Zinemaldia. Urtero legez, egitarau zabala prestatu dute, animazio zinemaren zaleen gozamenerako. Besteak beste, film emanaldiak, musika ikuskizunak eta tailerrak antolatu dituzte, eta azken egunerako, sari-banaketa ekitaldi handia.

Bada, MAKUSI Klubeko kideek doako sarrerak lortzeko aukera izango duzue! Irailaren 7rako izango dira, Kutxa Zurian 17:00etan egongo den emanaldirako. Guztira sei sarrera bikoitz zozkatuko ditugu!

Irabazleek “Robotia” film luzea pantaila handian euskaraz ikusteko eta Debako ipuin-kontalarien saioaz gozatzeko parada izango dute.

Izena emateko azken eguna: irailak 4 (egun hori barne).

Power Up

Aurrekoaz gain, MAKUSIko saioek euren txokoa izango dute egitarauaren barruan. Hori horrela, ostiralean (hilak 6), 10:00etatik aurrera, “Power Up” telesailaren atal guztiak eskainiko dituzte Kutxa Zurian.