MAKUSI bideo plataforma, aplikazio eta telebista marka gehiagotan eskuragai!

Webgunean, mugikorretan zein tabletetan ez ezik, aurrerantzean, Android TV eta Amazon Fire TV sistemetan aurkituko dugu doako plataforma digitala, baita LG eta Samsung telebistetan ere. Gainera, hurrengo asteotan eduki berriak estreinatuko ditugu MAKUSIn.

MAKUSI

2024/06/24 - 11:00

Gero eta gehiago dira MAKUSIra sartzeko bideak eta tresnak. Izan ere, haur eta gaztetxoentzako doako euskarazko plataforma digitala eskura dago jadanik Android TV eta Fire TV sistemetan, baita LG eta Samsung telebista marketan ere. Gainera, hbbTV zerbitzuko menuaren diseinua gaurkotu da. Orain arte bezala, gailu nagusienetan ere badago: hala nola, webgunea, mugikor eta tabletak (aplikazioa Google Playn eta App Storen bitartez jaitsita).

Zehaztapenak honako hauek dira:

- Android TV: 7 bertsiotik aurrera duten gailu eta telebistetan Google Play storean.

- Fire TV: FireOS 5etik aurrera Amazon Storean.

- HbbTV: 1.4.1 bertsiotik aurrera, ETBko kanaletan botoi gorria sakatuta. 1.2.1/1.3.1 bertsioak ez dira bateragarriak eta kasu horietan Chromecast-a erabil daiteke edo Android TV sistema, bateragarria bada.

- LG Smart TV: 2018ko modeloetatik aurrera.

- Samsung Smart TV: 2020ko modeloetatik aurrera eta laster 2018-2019 bitarteko modeloetan.

Gogoratu, udan ere MAKUSIk eduki berriak estreinatuko ditu. Hori horrela, "Max Bionikoa" eta "Spellbound" telesailen estreinaldiarekin batera, "Yoko eta lagunak"en 3. denboraldia eta "Power Up" eta "Kalaxka" saioen atal berriak ikusteko aukera izango da. Halaber, ekainaren 28an udako bideoklipa estreinatuko dute "Potx eta Lotx"eko lagunek.

Zure interesekoa izan daiteke...

MAKUSIko produktu berriak, jada eskuragai!

Toalla, txanoa, frisbee-a eta motxila jarri ditugu salgai EITB Dendan, eta kale ekitaldietan ere erosi ahalko dira.

MAKUSI Play! jokoa, jada salgai!

Karta joko erraz eta azkarra da, adin guztietako pertsonentzako aproposa, eta EITB Dendan sartuta erosi ahalko duzu.

Jarrai gaitzazu sare sozialetan!

MAKUSIk Instagramen, TikToken eta YouTuben dituen kontuetan sareetarako prestatutako eduki esklusiboez gozatzeko aukera izango duzu.

Zure urtebetetzean zorionduko zaitugu!

Kideek bidalitako argazkiekin egindako bideo berezia argitaratuko dugu astero, larunbatetan, eta argazkiak gure plataformara igotzeko prozesua erraz-erraza izango da!