“Ameslarien Banda” gurean da!
Hiru laguntxoak itsasontzi batean ibiliko dira lainoen gainetik zeruak zeharkatuz eta haurren ametsak zainduz. Ametsean arazoren bat antzematen dutenean, alarmak joko du, itsasontzitik jaitsiko dira eta ametsean sartu, hura konpontzea izango baitute misio.
Noski, Auskalo eta Baizera oso ezberdinak dira beraien artean, oso baikorra da baita, zuhurtzia handiz ibiltzekoa bestea eta ziurgabetasunez josia hurrena. Baina, taldean ibiliaz bakoitzaren alderdi hoberena landu eta aurkituko dute ametsak salbatzeko modua.
Beldurrak, kezkak, ardurak eta beste hainbat gai landuko dira ‘Ameslarien Banda’ seriean. Modu didaktiko baten landuta, haurrek egoera ezberdinei aurre egiten ikasiko dute. Atal guztiak abesti bat izango dute amaieran eta iratxoekin batera kantuz agurtu ahalko ditugu hiru protagonistak.
Adi egon eta jarraitu MAKUSI webgunean zein sare sozialetan, nobedade guztien berri izateko! Gainera, gogoan izan, MAKUSI bideo plataforman edukiak ahalik eta gehien pertsonalizatzeko, zure kontuaren barruan adinaren araberako profilak sortzea gomendatzen dizugu.
Jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn
