Telesail eta animaziozko lan berriekin beteko dugu apirila MAKUSIn!
Nobedadez beterik dator hilabete honetan ume eta gaztetxoei zuzendutako Makusi plataforma. Estolderietatik irtengo dira Ninja dortokak, gure txakur gustukoenak abentura berriak izango dituzte eta Theodosia gaztetxoaren abenturak ezagutuko ditugu. Hori guztia borobiltzeko, ume eta gaztexoei zuzendutako podkastak batzen dituen atala estreinatuko dugu.
Ninja dortokak (5-7 urte)
Leonardo, Donatello, Michelangelo eta Raphael MAKUSIn izango ditugu apirilaren 4tik aurrera. Lau Ninja Dortoken abenturak bizitzeko aukera izango dugu. Splinter maisuaren gidaritzapean, ninja-teknikak ikasi dituzte hiriko estoldetan, hamabost urtez. Orain, gainaldera igotzeko garaia dute, munduan agertzekoa.
Txakur patruila (0-4 urte)
Apirilaren 11tik aurrera bigarren denboraldiaz gozatzeko aukera izango dugu. Atal berrietan ere txakur patruila talde lanean arituko da sortuko diren oztopoei aurre egiteko, izan ere, arazorik bada, hortxe ageri da txakur-patruila!
Theodosia (+8 urte)
Theodosia Throckmortonek 14 urte ditu eta bere gurasoekin dabil Erregeen Haranean indusketak egiten. Teo eta bere neba hilobi ezezagun bat miatzen ari direla, Horusen Begia aurkituko dute. Hura ukituz gero magia egin daitekeela konturatuko da Teo. Apirilaren 11tik aurrera iritsiko da Makusi plataformara.
Podkastak
Ume eta gaztetxoei zuzendutako podkasten atal berria izango dugu eskuragarri MAKUSI plataforman. Hainbat gai interesgarri jorratuko dira adin tarte ezberdinetara zuzendutako podkast eduki bilduman.
Adi egon eta jarraitu MAKUSI webgunean zein sare sozialetan, nobedade guztien berri izateko! Gainera, gogoan izan, MAKUSI bideo plataforman edukiak ahalik eta gehien pertsonalizatzeko, zure kontuaren barruan adinaren araberako profilak sortzea gomendatzen dizugu.
Jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn!
