Heldu da “Irabazi Arte”ren 4. denboraldia MAKUSIra!
Denboraldi berrian partida asko jokatu beharko dituzte “Irabazi Arte”ko kideek, baina guztiak ez dira izango futbol-zelaian. Aurreko denboraldian hainbat galdera erantzunik gabe geratu ziren: Arene berriro ibiltzeko gai izango da? Jonek Martxeloren eta Alaitzen azpijokoak agerian utziko ditu? Zer gertatuko da Lukarekin jipoia jaso ondoren? Bada, bizitza berrira moldatu beharko dira protagonistak eta oztopoz beteriko bideari aurre nola egingo dioten ikusiko dugu, otsailaren 14tik aurrera, MAKUSI plataforman.
Ostiralero atal berri bat izango duzue plataforman, inon baino arinago. Horrez gain, aurten, “Barnetik” eta “Bereziak” izeneko atalak ere izango ditugu plataforman, telesailean gertatzen den guztiaren berri izateko eduki berezi eta esklusiboen bidez. Oztopo guztiei sartuko diegu gola!
Irabazi Arte bideopodkastak
Horretaz gain, “Irabazi Arte”ren bideopodkasten denboraldi berria ere etorriko da, otsailaren 21etik aurrera. Hartara, astero-astero, emakumezko kirolari eta kirolzale erreferenteak bertatik bertara elkarrizketatuko dituzte Nahia Sillerok eta Ainhoa Azpitartek.
Gainera, gogoan izan, MAKUSI bideo plataforman edukiak ahalik eta gehien pertsonalizatzeko, zure kontuaren barruan adinaren araberako profilak sortzea gomendatzen dizugu. Adi egon estreinaldi eta ekitaldi guztietara! Jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn!
