Estreinaldiak: “Carly abenturazalea” eta “Spellbound” (2. denboraldia)
Urte bukaera estreinaldiz josita iritsiko da MAKUSI bideo plataformara! Horren adibide, “Carly abenturazalea” marrazki bizidunen saioa eta “Spellbound” telesailaren 2. denboraldia estreinatu berri ditu. Halaber, MAKUSI unibertsoko saioen atal berriak ere estreinatuko dira astero: “Kalaxka”, “Power Up”, “Potx eta Lotx” eta “Go!azen”.
“Carly abenturazalea” 5-7 urte bitarteko umeei zuzenduta dago. Carly, 14 urteko neska ausarta, bere aitaren bila dabil. Abenturaz abentura Bobby teknologia aditua eta Morgan otso bihur daitekeen mutikoa izango ditu lagun. Saioak 13 minutuko 52 atal ditu guztira.
Gainera, “Spellbound” telesailaren atal berriak ere daude ikusgai MAKUSI bideo plataforman. Bigarren denboraldian Cece magia alde batera uzten saiatuko da, dantzan arreta jarri eta bere ametsak betetzeko. Bidean, “crush” eta lagun berriak eta hainbat sorpresa topatuko ditu.
MAKUSI bideo plataformaren inguruko informazio guztia irakurtzeko, sartu hemen. Eta, ez ahaztu, edukiak ahalik eta gehien pertsonalizatzeko, zure kontuaren barruan adinaren araberako profilak sortzea gomendatzen dizugu.
