“Robin Hood” saioaren atal berriak, MAKUSIn!
“Robin Hood”en abentura berriez gozatzeko aukera emango du MAKUSIk. Izan ere, marrazki bizidunen saioaren 3. denboraldia estreinatu berri da bideo plataforman. 5 eta 7 urte arteko umeei zuzenduta dago, eta pertsonaia ezagunaren istorioari ukitu berezi eta dibertigarria ematen dio.
Hamar urte baino ez dituen arren, Robin benetako heroia da. Joan printzeak iheslari eta bidelapurtzat jo zuenetik, Sherwood baso erraldoiaren erdian bizi da. Bere lagun Tuck eta John Txikiren laguntzarekin eta Lady Marian eta Scarlett ere ondoan dituela, Robin ausartak arerioei aurre egingo die.
MAKUSI bideo plataformaren inguruko informazio guztia irakurtzeko, sartu hemen. Eta, ez ahaztu, edukiak ahalik eta gehien pertsonalizatzeko, zure kontuaren barruan adinaren araberako profilak sortzea gomendatzen dizugu!
