Potx eta Lotxen bideopodkasta, MAKUSIn!
“Potx eta Lotx, bai esan?” titulupean, bideopodkast berria estreinatuko dute Potx eta Lotx pailazoek irailaren 20an, MAKUSI bideo plataforman eta EiTB Podkast atarian. Guztira 10 atal izango dira, eta bi astero atal berri bat estreinatuko da.
Bideopodkastean Potx eta Lotx umeen jakin-mina asetzen eta euren zalantzak argitzen saiatuko dira. Hala, esparru desberdinetako gonbidatuak hartuko dituzte: magoak, nutrizionistak, musikariak, influenzerrak eta suhiltzaileak, besteak beste. Horietako bakoitzak bere lanbidearen nondik norakoak azalduko ditu, pasadizo eta istorio dibertigarriak gogora ekarrita. Xabi Soundek eta Izaskunek ere bideopodkastean parte hartuko dute, alaitasuna eta musika lagun.
Unitate didaktikoak
Atal bakoitzari lotuta unitate didaktikoak prestatu dira, irakasleek eta ikasleek gelan gara ditzaten. Unitate horiek ikasleen arteko elkarrekintza sustatzea eta beraien gaitasunak ahalik eta gehien garatzea dute xede.
Karta didaktikoak MAKUSIren webgunean egongo dira eskuragarri, atala estreinatu ondoren.
