Abian da inauterietako mozorro lehiaketa MAKUSIn!

Inauteriak iritsi dira eta zuen mozorro eta karroza ederrak ikusteko irrikaz gaude, horregatik, ekimen berezia abiarazi dugu.

Parte hartzeko, gauza bakarra egin beharko duzu: gure webgunean saioa hasi eta zure argazkia igo! Zeren zain zaude?

Murgildu zaitez MAKUSI unibertsoko Inauterietan eta mozorrotuta agertzen zaren zure argazki  bat bidali! MAKUSItik, gure unibertsoko zuen pertsonaia gustukoenaz mozorrotzeko proposamena egiten dugu (Doraemon, Potx eta Lotx, Pottokiak, Txakur Patruila... ). Gure argazki-galerian agertuko zara, eta gainera, tablet bat irabazteko aukera izango duzu!

OHARRAK:

• Otsailaren 28ra arte izango duzue zuen mozorroen argazkiak bidaltzeko aukera.
• Behin epea amaituta, bozketa fasea hasiko da. Bozketa faseak astebete iraungo du, hau da, martxoaren 9ra arte izango duzue zuen bozka emateko aukera. Kide bakoitzak boto bakarra eman ahal izango du.
• Behin bozketa fasea amaituta, boto gehien dituen mozorro-argazkiak tablet    bat irabaziko du. 
• Gogoratu parte hartzeko eta bozkatzeko MAKUSI klubeko kide izan behar dela. MAKUSI  lan-taldea irabazlearekin jarriko da kontaktuan.

INAUTERIAK MAKUSIN

Inauteriak edukiz beterik helduko dira MAKUSIra, Herri inauteriei buruzko istorioak bilduko dituen haurrentzako ipuinak izango ditugu MAKUSIn. Horrez gain, Potx eta Lotx kantari itzuliko dira “Sua, Zarata, Kaosa… Inauteriak!!” bideokliparekin, eta Inauterietako edukiekin osatutako bilduma berezia izango duzue MAKUSI bideo plataforman.

Gogoratu, MAKUSIn eduki eskaintza zabala aurkituko duzu! Klubeko kideentzako lehiaketak eta zozketak; marrazki bizidunak, telesailak eta filmak MAKUSI bideo plataforman eta eduki esklusiboak gure webgune eta sare sozialetan (TikTok, YouTube eta Instagram), den-dena euskaraz.

Behean duzuen botoi berdean zuen mozorroetarako erabili ditzakezuen MAKUSIko zenbait material topatuko dituzue!