“Power Up” telesailaren denboraldi berria iritsi da!
Power Up telesailaren denboraldi berria azaroaren 7an iritsiko da MAKUSI plataformara. Araiak erabaki du oraintxe dela momentua bere ametsari heltzeko: superheroi bihurtzea! Baina kontua ez da hain erraza izango, super botereek ez dute beti berak nahi duen bezala erantzungo, eta inoiz ezin da ezer ziurtzat jo.
Denboraldi berrian ere Araiak bidelagun izango ditu Mai eta Josu, batzuetan laguntzeko, beste batzuetan egoera are gehiago korapilatzeko. Bestalde, Kenai gero eta ausartago ibiliko da eta badirudi oraingoan benetan prest dagoela Araiarekiko sentimenduak aitortzeko. Eta, noski, Jaunak bere alkandora koloretsuekin, betiko moduan, misterio pixka batekin gidatuko du taldea.
Denboraldi berriak barreak, akzioa eta momentu goxoak ekarriko ditu. Jaunak esaten zuen bezala: ez gara heroi jaiotzen… bihurtu egiten gara!
Jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn!
