Etxeko txikienek "Go!azen"eko aktoreen zorion mezua jaso ahalko dute aurrerantzean

Gaurtik aurrera, beraz, aukera egongo da "Go!azen" eko lau aktoreren zorion-bideoa jasotzeko: Nerea Arriola (Maitane), Nerea Elizalde (Garazi), Adriana Sanchez (Alaia) eta Ander Aierza (Bosko).

Nola egin eskaera?

www.eitb.eus/goazen webgunean sartu eta erabiltzaileak (pertsona nagusi batek) logeatu beharko du. Urteak beteko dituen umearen izena eta adina zehaztu beharko ditu. Ondoren, bideoa prozesatu egingo da eta orrialde horretan bertan agertuko da berau deskargatu eta erabiltzailearen beste dispositiboetara bidaltzeko aukera dago. 

AAren laguntzaz sortutako bideoak

Aktoreen laguntzaz, euren bideo, ahots eta zoriontze mezuekin elikatutako sistema propioa garatu du EITBk. Adimen artifizialak eskaria antolatzen du: lau aktoreen artean zein nahiago dugun galdetzen digu, baita umearen izena eta zenbat urte betetzera doan ere. Antzezleen grabazioekin, Basakabiko irudiekin eta ahots klonazioaren laguntzaz informazio hori dena irabiatu eta ume horrentzat propio sortutako bideoa jasoko du erabiltzaileak.

Pertsona baten balidazioa izango du edukiak beti eta, astelehenetik ostiralera 24 ordu baino gutxiagotan egongo da prest.