“Eguberri on, Makusi” ikuskizuna Donostian, Iruñean, Bilbon eta Gasteizen

Umorea, dantza eta gabon giroa ardatz hartuta, haur eta gaztetxoentzako ekitaldi bereziak izango dira lau hiriburu desberdinetan, Potx eta Lotx pailazoen eskutik eta gonbidatu ugarirekin

Gabonetarako plan berezia dakar Makusik, familia osoari zuzendutako “Eguberri on, Makusi” ikuskizuna. Guztira lau emanaldi izango dira, eta 17:00etan hasiko dira denak:

- Abenduak 22. Kursaal (Donostia) SARRERAK HEMEN

- Abenduak 27. Baluarte (Iruñea) SARRERAK HEMEN

- Urtarrilak 2. Euskalduna Bilbao

- Urtarrilak 4. Europa Jauregia (Gasteiz)

Potx eta Lotx pailazoek, Izaskun eta Xabi Soundekin batera, abenturaz beteriko ikuskizun zoragarria eskainiko digute Gabon giro magikoan barrena, umorea, ilusioa, dantza eta magia uztartuz. Hori bai, MAKUSI unibertsoko beste zenbait artista izango dituzte beraiekin batera: “Power Up”, “Go!azen” eta “Mari Sorgin Ehiztari”  telesailetako pertsonaiek hartuko dute parte.

Makusi Gune berezia

Gainera, ikuskizunaren ondoren Makusi Guneko ekintza bereziez gozatzeko aukera izango duzue.

Donostiako ikuskizunerako sarrerak jada eskugararri dituzue. Gainontzeko hiriburuetarako sarreren erosketen inguruko informazioa aurrerago partekatuko dizuegu. Adi egon!

Azkenik, gogoratu MAKUSIren webguneko eta sare sozialetako edukiak jarraitzeaz, kideentzako abantaila esklusiboak, zozketak, parte hartzeko ekimenak, argazki-lehiaketak topatuko dituzu bertan. Hori guztia, eta askoz gehiago, MAKUSIn!