Asterix Parkera bidaiaren irabazlea!
Belaunaldiz belaunaldi, Asterix, Obelix, Idefix, Panoramix eta Rene Goscinyk eta Albert Uderzok sortutako beste hainbat pertsonaia izan ditugu lagun, komikietan, telebistan nahiz zinema-aretoetan. Gaur egun ere, ospe handia dute munduko txoko desberdinetan.
MAKUSIn Asterix Parkera joateko bidaia zozkatu berri dugu. Familia osoarentzako abentura zoragarria izango da!
Oso pozik gaude lehiaketak izandako harreragatik; guztira, 3.500 lagunek baino gehiagok parte hartu dute!
Hona hemen irabazlearen izena:
- Maddi Yarzabal Etxeberria
Sariak honakoa hartuko du barne:
- Lau pertsonarentzako (bi heldu eta bi adingabe) bidaia, Asterix Parkera (Plailly, Oise, Frantzia).
- Joan-etorriko hegaldia: Bilbo - Paris - Bilbo. Parisko aireportutik parkerako joan-etorriak ez ditu barne hartuko.
- Ostatua, Les Trois Hiboux hotelean (hiru izar): hiru egun eta bi gau, gosaria barne. Hoteletik Parkera oinez 5 minutuko distantzia dago.
- Parkerako sarrerak, bi egunetarako.
- Sariaz 2024ko abenduaren 21etik 2025eko urtarrilaren 5era arte gozatu ahalko da, eta irabazleak abenduaren 13a baino lehen baieztatu beharko du noiz egingo duen bidaia.
Oharrak:
- MAKUSI taldea jarriko da harremanetan irabazlearekin.
