“MAKUSI Gabon Festa”, Bilbon, Iruñean, Gasteizen eta Donostian
Adi! Eguberrirako plan berezia proposatu nahi dizugu! Izan ere, “MAKUSI Gabon Festa” ikuskizuna prestatu dugu, familia osoari zuzendutako ekitaldia. Guztira, lau emanaldi izango dira, eta 17:30ean hasiko dira denak:
- Abenduak 15. Euskalduna Bilbao. GONBIDAPEN GEHIAGO ESKURAGARRI! EGIN KLIK HEMEN!
- Abenduak 22. Baluarte (Iruñea). GONBIDAPENAK AGORTUTA!
- Urtarrilak 2. Umeen Gasteizko Gabonetako Parkea (Gasteiz). Parkerako egun horretarako sarrera erosi, eta gainontzeko jarduerez gain, MAKUSI Gabon Festaz ere gozatu ahalko duzu.
- Urtarrilak 3. Kursaal (Donostia). Gonbidapenak, laster eskuragarri!
OHARRA: Gonbidapenak doakoak izango dira, baina aurretiaz erreserbatu beharko dira.
Potx eta Lotx pailazoek, Xabi Sound eta Izaskunekin batera, hainbat gorabehera, abentura eta bizipen ekarriko dizkigute oholtzara. Ohi legez, umorea, musika eta dantza ez dira faltako, oraingoan, Gabon giroan murgilduta.
Potx eta Lox, laguntza bila
Aurten, Potx eta Lotx pailazoek Gabonetako festa antolatu behar dute, baina arazoren bat izango dute antolaketan. Horregatik, MAKUSI unibertsoko gainontzeko partaideei laguntza eskatuko diete: “Power Up”, “Go!azen”, “Kalaxka” eta “Irabazi Arte” telesailetako pertsonaiek hartuko dute parte, baita “Ztanda” saioko partaideek ere.
Gainera, emanaldia sorpresaz beterik egongo da!
Gabonetan ere, MAKUSI zurekin!
