“Nina eta Olga” telesailaren 2. denboraldia MAKUSIra iritsi da!

“Nina eta Olga” saio ezagunaren atal berriak estreinatu ditu MAKUSIk. Hala, azaroaren 8tik aurrera, 2. denboraldia izango da ikusgai bideo plataforman. Nicoletta Costa ilustratzailearen ipuinetan oinarrituta dago, eta atal bakoitzak 7 minutuko iraupena du.

Nazioartean ospe handia lortzeaz gain, saioak hainbat sari ere eskuratu ditu azken urteotan. Hori horrela, Pulcinella Saria jaso zuen 2021ean, 4-6 urteko umeentzako telesail onenaren kategorian.

Nina 6 urteko neskatoak eta Teok lagun berezi bat partekatuko dute: Olga hodeitxoa. Elkarrekin abentura ahaztezinak biziko dituzte, eta, bide batez, euren sentimenduak adierazten ere ikasiko dute.

Egin klik hemen Nina eta Olgaren abenturez gozatzeko!

Eta, ez ahaztu, MAKUSI bideo plataforman adinaren araberako profilak sortu, edukiak modu argiagoan ikusteko eta errazago aurkitzeko!