"Go!azen 11": aurrestreinaldia, azaroaren 15ean, Iruñeko Baluarten

Sarrerak dagoeneko salgai daude. 5 euroko prezio dute, eta diru hori EITB Maratoira bideratuko da; aurtengoan, ekimenak gaixotasun kardiobaskularrak izango ditu ardatz, “Entzun bihotzari” lelopean.

MAKUSI

2024/11/05 - 11:00

"Go!azen" telesailaren 11. denboraldiaren aurrestreinaldi handia hartuko du Iruñeko Baluartek, azaroaren 15ean, 18:00etan hasita. Ekitaldira doazenek denboraldi berriaren lehen atalaz eta aktoreek oholtza gainean eskainiko duten ikuskizunaz gozatzeko aukera izango dute.

Gogoan izan, azaroaren 15ean bertan estreinatuko da "Go!azen 11" MAKUSI bideo plataforman, beste inon baino lehen. Ondoren, hilaren 22tik aurrera, ETB1en eskainiko da, eta telebistan eman ostean egongo dira atalak ikusgai MAKUSIn.

Aurrestreinaldirako sarrerak dagoeneko salgai daude, esteka honetan. 5 euroko prezioa dute eta EITB Maratoira bideratuko da salmentarekin jasotako dirua. Bere 25. edizioan, gaixotasun kardiobaskularretan jarriko du arreta EITB Maratoiak, Entzun bihotzari lelopean. Aurtengoan, Hemendik At taldearen "Eskutitza" abestia izango da soinu-banda, eta keinu batean batzeko deia egingo dio gizarteari: gure eskuekin bihotzak osatzea.

Nafarroako Gobernuak, Euskarabidea (Euskararen Nafar Institutua) bidez, babestuko du Iruñeko aurrestreinaldia.

Zure interesekoa izan daiteke...

Home Sweet Rome Ladybug MAKUSI bideo plataforma

“Home Sweet Rome” eta “Miragarri: Ladybug eta Cat Noirren abenturak”en atal berriak, MAKUSIn!

Irailaren 20tik aurrera egongo dira ikusgai, euskaraz, MAKUSI bideo plataforman.

2024/09/20 - 08:00

Potx eta Lotxen denboraldi berria, MAKUSI bideo plataforman!

Mundu grisa koloreztatu nahian datoz berriro Potx eta Lotx, Izaskun eta Xabi Sound adiskideekin batera.

2024/09/13 - 07:00

MAKUSI Klubeko zozketak: MAKUSI produktuak, sarrerak, opariak, etab.

Nola parte hartu gure zozketetan?

Parte hartzeko bi baldintza bete behar dira: MAKUSI Klubeko kide izatea eta pasahitza sortuta izatea.

2024/09/24 - 10:19

Pasahitza sortu MAKUSI Klubeko abantaila guztiez gozatzeko!

Urte osoan zehar antolatzen ditugun zozketa eta ekimen desberdinetan parte hartzeko aukera izateaz gain, doako sarrerak, deskontuak eta gonbidapenak ere lortuko dituzu.

2024/07/11 - 08:00