“Go!azen”en aurrestreinaldia, Zinemaldian!
Albiste ezin hobea dugu zuentzat! “Go!azen” telesailaren 11. denboraldia estreinatuko dugu Zinemaldian! Iaz bezala, aurten ere Anoetako Belodromoan izango da ikusgai lehen atala. Hau da, bertaratzen direnek inork baino lehenago ikusi ahalko dute denboraldi berriaren hasiera! Hitzordua irailaren 27an, ostirala, izango da, 18:30etik aurrera!
Zinema izarrak bezala, “Go!azen”eko aktoreak alfonbra gorritik igaroko dira, eta agertoki gainean egongo dira ikusleak dantzan jartzeko. Ekimenak egundoko harrera eta oihartzuna izan du, eta sarrerak ordu gutxitan agortu dira!
Abentura, istorio, abesti eta koreografia berriekin, aurten ere aurreko denboraldietako pertsonaia ezagunak ikusiko ditugu: Garazi, Gontzal, Saioa, Luken, Aner, Bosko edo Maitane; baina beste berri batzuk ere izango dira: Izar, Joritz, Alaia, Manex, Oihane eta Leire. Maitasuna, adiskidetasuna, desadostasunak eta umorea bilduko dira, besteak beste, Basakabin. Hori guztia, gainera, euskal abesti onenekin batera.
ZOZKETA BEREZIA
Zinemaldiko emanaldirako sarrerarik gabe geratu bazara, MAKUSIn 60 sarrera zozkatuko ditugu! Parte hartzeko, egin klik hemen!
