Araba Euskaraz, ekainaren 16an, Olarizun!
Ekainaren 16an Arabako ikastolen aldeko jaia egingo da Olarizun (Gasteiz). Ekitaldian bildutako dirua Oiongo San Bizente ikastolara bideratuko dute. Mugarik gabe, euskaraz bizi, hezi eta hazi nahi duten guztientzat. Mugaezin Araban euskara! izango du goiburu aurtengo jaiak, eta helburu nagusia udalerri horretan eta orokorrean, Arabako Errioxan, euskararen erabilera aldarrikatzea, bultzatzea eta zabaltzea izango da.
MAKUSI Gunea
MAKUSIk txoko propioa izango du Araba Euskarazen barruan. Familia osoari zuzendutako jarduerak antolatuko dira: besteak beste, egurrezko jokoak, proiekzio gunea (“Power Up”, “Kalaxka” eta “Potx eta Lotx” saioak ikusgai izango dira), joko interaktiboak eta salmenta gunea, MAKUSI Unibertsoko produktu guztiekin.
Aurrekoa gutxi balitz, “Go!azen”eko aktoreak ere bertan izango dira, eta kontzertua eskaintzeaz gain, ume eta gaztetxoekin argazkiak aterako dituzte photocall-ean.
Gogoratu, ekainaren 16an hitzordua izango duzu gurekin, Olarizun. Han izango gaituzu zain!
