“Go!azen” telesaileko aktoreak gertutik ezagutu nahi dituzu? Agertokiaren atzean gertatzen diren bitxikeriak ezagutu nahi dituzu? Horrela bada, ez galdu gure zozketa esklusiboan parte hartzeko aukera!

MAKUSI Jaian, urriaren 10ean (larunbata), “Go!azen 13”ren aurrestreinaldia egingo dugu, 17:30etan, BEC!-n. Bada, MAKUSI Klubeko kidea izateagatik zozketa berezia prestatu dugu zuentzat: aurrestreinaldia baino lehen aktore guztiekin egoteko aukera!

Bi irabazle aterako ditugu, eta sarrera-sorta bakoitzak honakoa hartuko du barne: aurrestreinaldirako sarrera laukoitza eta telesaileko aktoreak ezagutzeko aukera.

Oharrak:

- Derrigorrezkoa izango da sarreretako bat heldu batek erabiltzea.

- Parte hartzeko azken eguna: urriak 7, asteazkena

- MAKUSI taldea jarriko da harremanetan irabazleekin.

GO!AZEN 13

Berrikuntza ugari izango ditu “Go!azen 13” denboraldiak. Basakabi udaleku bat izatetik, udako musika eskola izatera  igaroko da. Wellington Music Academy esanguratsuak Basakabi aukeratu du Euskal Herriko egoitza moduan. Hori bai, akordioa lortzeko, Maitanek gezur txiki batzuk esan ditu aukeraketa prozesuan. Aurten musikak udalekuan egundoko garrantzia izango duen arren, maitasun eta amodio istorioek lekua izango dute, baita lagunarteko harremanen gorabeherek ere.

Gainera, jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn!