Otsailaren 7an iritsiko da ‘Basatiak’ pelikula zinema aretoetara, Zineuskadiren Zinema Euskaraz programaren eskutik. MAKUSI klubeko kideek, beste inork baino lehenago ikusteko aukera izango dute otsailaren 2an, Bilboko Azkuna Zentroan.
8 urtetik gorakoei zuzenduta, emozioz beteriko istorioa ekarriko digu ‘Basatiak’ pelikulak. Pertsonaia hunkigarri eta ausartez betetako fabula ekologikoa, "Kalabazinen bizitza" filmaren zuzendariak zuzendua.
Oihan tropikalean kokatutako herrixka batean bizi da Keria, eta orangutan kume bat aurkituko du han, babesgabe. Natura biziki maite du eta basoa suntsitzearen aurka borrokatuko du, Selai izeneko bere lehengusuarekin batera. Bien artean zainduko dute orangutan txikia, eta izena ere jarriko diote, ‘Batu’. Abentura honi esker bere jatorriarekin konektatzeko aukera izango dute.
Aurrestreinaldira joateko sarreren zozketan parte hartu nahi baduzu, zure erabiltzaile eta pasahitzarekin saioa hasi eta beherago aurkituko duzun galderari erantzun. Zineman ikusiko dugu elkar!
OHARRA:
MAKUSI Taldea jarriko da harremanetan irabazleekin.
8 urtetik gorakoei zuzendutako pelikula da.
Parte hartzeko azken eguna: urtarrilak 29
Arrakasta
Errorea
Akats bat egon da
Ez dago daturik
Ez dago kide gehiagorik parte hartzeko.
