Belaunaldiz belaunaldi, Asterix, Obelix, Idefix, Panoramix eta Rene Goscinyk eta Albert Uderzok sortutako beste hainbat pertsonaia izan ditugu lagun, komikietan, telebistan nahiz zinema-aretoetan. Gaur egun ere, ospe handia dute munduko txoko desberdinetan.

Sorpresa berezi batekin gatoz: orain, MAKUSIri esker, Asterix Parkera doan joateko aukera izango duzu! Klubeko kideen artean Parkera bidaia zozkatuko dugu. Abentura zoragarria izango da!

Sariak honakoa hartuko du barne:

-  Lau pertsonarentzako (bi heldu eta bi adingabe) bidaia, Asterix Parkera (Plailly, Oise, Frantzia).

- Joan-etorriko hegaldia: Bilbo - Paris - Bilbo. Parisko aireportutik parkerako joan-etorriak ez ditu barne hartuko.

- Ostatua, Les Trois Hiboux hotelean (hiru izar): hiru egun eta bi gau, gosaria barne. Hoteletik Parkera oinez 5 minutuko distantzia dago.

- Parkerako sarrerak, bi egunetarako.

- Sariaz 2024ko abenduaren 21etik 2025eko urtarrilaren 5era arte gozatu ahalko da, eta irabazleak abenduaren 13a baino lehen baieztatu beharko du noiz egingo duen bidaia.

Parte hartzeko, ezinbestekoa da MAKUSI Klubeko kidea izatea, atarian saioa hastea eta beheko aldean aurkituko duzun galderari erantzutea.

Oharrak:

- MAKUSI taldea jarriko da harremanetan irabazlearekin.

- Parte hartzeko azken eguna: abenduak 1 (egun hori barne).

- Derrigorrezkoa izango da beherago aurkituko dituzun lege-oinarriak irakurri eta onartzea.