"Dragoi Bola" maratoia, EITBren Bilboko egoitzan!

Saio ospetsuaren hainbat atal pantaila handian ikusteko aukera izango da, Multibox aretoan. 250 lagunentzako tokia egongo da; beraz, hitzordua galdu nahi ez baduzu, azkar ibili eta izena eman!

MAKUSI

2025/01/08 - 12:31

Goazen lagunok! Amets betean… Hitz horiek irakurtzean, badakizu zeri buruz ari garen? Bai, “Dragoi Bola”ri buruz ari gara! Urtarrilaren 18an iritsiko da saio ospetsua MAKUSI bideo plataformara, euskaraz eta doan, ostiralero atal berri batzuekin. Lehenago, sorpresa berezi bat prestatu dugu!

Goku eta lagunen abenturen jarraitzaile amorratua bazara, albiste ezin hobea dugu zuretzat: urtarrilaren 18an “Dragoi Bola” maratoi berezia egingo dugu EITBren Bilboko egoitzan! Hitzordua 16:00etatik 21:00etara izango da, eta emanaldira etortzeko derrigorrezkoa izango da aurretiaz izena ematea.

Aretoan 250 lagunentzako tokia bakarrik egongo da. Hurrengo estekan aurkituko duzun formularioan izena ematearekin nahikoa da: https://forms.office.com/e/Uqw0GHJwuc

Izena ematen duten lehen 250 lagunek bakarrik izango dute sartzeko aukera; beraz, ez gehiago itxaron!

Eta, ez ahaztu, egun gutxi barru iritsiko da “Dragoi Bola” MAKUSI bideo plataformara! Adi egon!

Beste albiste batzuk

“MAKUSI Gabon Festa”, hiri ezberdinetan izan ondoren, plataformara iritsi da

Bilbo, Donostia eta Gasteiz igaro ondoren MAKUSI Gabon festa ikusgai dago plataforman, Bilbon bizitako guztiarekin. Gabonetan bizitako esperientzia ahaztezin hau berriz bizi ezazu

2025/01/07 - 13:00

“Dora esploratzailea”, abenduaren 20tik aurrera, MAKUSI bideo plataforman!

Gozatu 7 urteko neskatoaren eta Botty tximinoaren abenturez! Ondo pasatu eta aldi berean ikasteko parada izango duzu, baita txoko berriak ezagutzeko ere!

2024/12/20 - 10:50

Estreinaldiak: “Carly abenturazalea” eta “Spellbound” (2. denboraldia)

Azaroaren 22tik aurrera izango dira ikusgai MAKUSI bideo plataforman. Astero, gainera, MAKUSI unibertsoko saioen atal berriak ere estreinatuko dira.

2024/11/22 - 13:44

“Go!azen 11”: kontzertu bira!

Datozen hilabeteotan egongo diren kontzertuen zerrenda kontsultatu. Ohi legez, Basakabiko neska-mutilek hainbat herri eta hiri dantzan jarriko dituzte! Agenda atera eta datak ongi gorde!

2024/11/07 - 14:34