Apirilaren 10etik aurrera “Gangster txikia” pelikula pantaila handian izango dugu, euskaraz, Zineuskadiren Zinema Euskaraz programari esker. Bada, Zineuskadiren lankidetzan, MAKUSI Klubeko kideentzat zozketa berezi hau antolatu dugu, sarrera bikoitzak zozkatuko ditugu apirilaren 10eko asteburuan filma euskaraz ikusi ahal izateko.

Rik ume lotsati eta segurtasunik gabea da, eta eskolan etengabe jazarpena jasaten du. Bitza auzo berri batean hastea erabakiko dute Rikek eta bere aitak. Bere errealitatea aldatzeko aukera ikusiko du protagonistak eta gezur handi bat asmatuko du horretarako: bere aita mafiako kide arriskutsua dela. Horrela, ingurukoen errespetua eta beldurra lortzea izango du helburu, lehen jasaten zuen jazarpena desagertzeko asmotan.

Hala ere, gezurra mantentzea gero eta zailagoa bihurtuko zaio protagonistari, bere aita benetan gizon berezia delako. Gainera, iraganeko erasotzaile bat agertuko da auzoan. Nola amaituko du istorio honek?

Zozketan parte hartzea oso erraza da, behean aurkituko duzuen zerrendan pelikula non ikusi nahiko zenuketen aukeratu eta zozketan sartuko zarete. Ez ahaztu, zozketan parte hartzeko zure erabiltzaile eta pasahitzarekin saioa hasi eta aukeratu zein zinema aretotan ikusi nahiko duzuen filma. Apirilaren 8ra arte duzue parte hartzeko aukera. Makusi lan-taldea irabazleekin harremanetan jarriko da.

Jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn.