Abenduaren 15ean (igandea) MAKUSI Gabon Festa egingo dugu Bilboko Euskalduna Jauregian, 17:30ean hasita. Gonbidapenik gabe geratu bazara eta hitzordua galdu nahi ez baduzu… Albiste ezin hobea dugu zuretzat! MAKUSIn bost sarrera laukoitz zozkatuko ditugu!

Potx eta Lotx pailazoek, Xabi Sound eta Izaskunekin batera, hainbat gorabehera, abentura eta bizipen ekarriko dizkigute oholtzara. Ohi legez, umorea, musika eta dantza ez dira faltako, oraingoan, Gabon giroan murgilduta.

Ohi bezala, zozketan parte hartzeko, nahikoa izango da MAKUSI Klubeko kidea izatea, webgunean saioa hastea (erabiltzaile eta pasahitzarekin) eta beheko aldean aurkituko duzun galderari erantzutea.

Oharrak:

- MAKUSI taldea jarriko da harremanetan irabazleekin.

- Parte hartzeko azken eguna: abenduak 12 (12:00ak arte).

Potx eta Lox, laguntza bila

Aurten, Potx eta Lotx pailazoek Gabonetako festa antolatu behar dute, baina arazoren bat izango dute antolaketan. Horregatik, MAKUSI unibertsoko gainontzeko partaideei laguntza eskatuko diete: “Power Up”, “Go!azen”, “Kalaxka” eta “Irabazi Arte” telesailetako pertsonaiek hartuko dute parte, baita “Ztanda” saioko partaideek ere.

Gainera, emanaldia sorpresaz beterik egongo da!