Robotikaren munduaren zalea zara? Hala bada, galdu ezineko hitzordua izango duzu abenduaren 1ean EITBren Bilboko egoitzan! Alde batetik, Multibox aretoak “Robotia” filmaren emanaldia hartuko du, 12:00etan. Hurbiltzen zaretenok filma euskaraz, pantaila handian, ikusi ahalko duzue. Eta, gainera, abenduaren 3tik aurrera, MAKUSI bideo plataforman ere izango duzu eskuragarri, noiznahi eta nonahi ikusteko! Data ongi gorde!

Bestetik, emanaldia baino lehenago, 11:00etan, ekintza bereziak antolatuko ditugu EITBren Bilboko egoitzako hallean. Futbola maite duten robotak dira “Robotia” filmaren protagonistak, eta horregatik, ekintza guztiek robotika eta futbola izango dituzte oinarri.

Honakoak egongo dira:

- Futbol-kantxa, droneekin.

- Bi futbol-zelai, robot txikiekin.

- Bataila-kantxa, robot txikiekin.

Emanaldira joan ahal izateko, derrigorrezkoa da aurretiaz gonbidapenak lortzea. Horretarako, beheko aldean aurkituko duzun zozketan parte hartu!

• ZOZKETA: EKITALDIRA JOATEKO 50 GONBIDAPEN LAUKOITZ ETA ROBOTAK EGITEKO HIRU KIT

Zozketan izena ematen duzuen Klubeko kideen artean honakoa zozkatuko dugu:

- Emanaldira joateko 50 gonbidapen laukoitz (gutxienez, heldu bat).

- Robotak eraikitzen ikasteko hiru kit. Umeek etxean bertan robotak muntatu eta programatzeko ezin aproposagoak dira!

• OHARRAK:

- Emanaldira joan ahal izateko, derrigorrezkoa izango da gonbidapena izatea.

- Beheko aldean aurkituko duzun galderari erantzun eta izena eman zozketetan parte hartu ahal izateko.

- Parte hartzeko azken eguna: azaroak 27 (egun hori barne)

- MAKUSI taldea jarriko da harremanetan irabazleekin, azaroaren 28an.