Arriaga Antzokiak ABAO Txikiren “Pedro eta Otsoa” ikuskizuna hartuko du, azaroaren 23tik 25era. Giro magikoak amestera eta sormena lantzera gonbita luzatuko die ikusleei, hitzak, musika eta formak uztartuta. Familia osoari zuzendutako ikuskizuna izango da, euskaraz eta gaztelaniazko azpitituluekin.

Ipuin tradizional honetan, musikaren eta txotxongilo argitsuen laguntzarekin, haurrek orkestra bat osatzen duten instrumentuak ezagutu ahal izango dituzte. Istorioan, Pedro ume adimentsu eta ausartak, otsoa ehizatzeko gai izango denak, besteak eta talde-lana errespetatzearen garrantzia erakutsiko digu. Enrique Lanz arituko da eszena-zuzendari lanetan, Sergei Prokofieven musikarekin.

MAKUSI Klubeko kidea bazara, “Pedro eta Otsoa” doan ikusteko aukera izango duzu: azaroaren 23ko (18:00etan) emanaldirako sarrerak zozkatuko ditugu! 20 sarrera bikoitz izango dira guztira.

Zeren zain zaude? Atarian saioa hasi eta beherago aurkituko duzun galderari erantzun.

Parte hartzeko azken eguna: azaroak 19 (egun hori barne)