“Go!azen” eta "Power Up" telesailetako aktoreak gertutik ezagutu nahi dituzu? Agertokiaren atzean gertatzen dena jakin nahi duzu? Horrela bada, ez galdu gure zozketa esklusiboan parte hartzeko aukera!

MAKUSI Jaian, urriaren 12an (larunbata), “Go!azen 11”ren aurrestreinaldia egingo dugu, 17:30etik aurrera. Horrez gain, “Power Up” saioaren bigarren denboraldiko lehen atala ere izango da estreinakoz ikusgai! Eta, aurten, MAKUSI Klubeko kidea izateagatik sorpresa handia prestatu dugu zuretzat: Meet and Greet sarrerak zozkatuko ditugu!

Bi irabazle aterako ditugu, eta sarrera-sorta bakoitzak honakoa hartuko du barne: aurrestreinaldirako sarrera laukoitza eta bi saioetako aktoreak ezagutzeko aukera.

Eta, ez ahaztu, zozketan parte hartzeko derrigorrezkoa da MAKUSI Klubeko kidea izatea, gure webgunean saioa hastea  -erabiltzaile eta pasahitzarekin- eta zozketaren beheko aldean aurkituko duzun galderari erantzutea.

Oharrak:

- Derrigorrezkoa izango da sarreretako bat heldu batek erabiltzea.

- Parte hartzeko azken eguna: urriak 10, osteguna (12:00ak arte).

- MAKUSI taldea jarriko da harremanetan irabazleekin.

Ez itxaron gehiago eta zozketan izena eman!

ZORTE ON!