Irailaren 25ean “Dino Familia” filma zinema aretoetara helduko da, Zineuskadiren Zinema Euskaraz programari esker. Bada, haiekin lankidetzan, MAKUSI Klubeko kideentzat zozketa berezia antolatu dugu, eta sarrera bikoitzak zozkatuko ditugu irailaren 25eko asteburuan filmaz gozatzeko. 

Phil gaztea ez da bere bizitzako unerik onena pasatzen ari eta gainera, albaitari bihurtzeko duen ametsa zaildu egingo zaio Dino familiarengatik: familiako tradizioa jarraitzea nahi dute paleontologoa izan dadin. Bere bizitza goitik behera aldatuko da, konturatu gabe, Mesozoiko arora bidaiatzen duen ate bat irekitzen duenean. Han, dinosauroen eta historiaurreko arriskuen artean biziraun beharko du, aitarekin adiskidetu eta Titanobo sugeari aurre egiten saiatzen den bitartean.

Parte hartzea oso erraza da, hurrengo pausuak jarraitu beharko dituzue:

• Gogoratu, zure erabiltzaile eta pasahitzarekin saioa hasita izan behar duzu
• Beheko zerrendan pelikula non ikusi nahi duzuen aukeratu
• Irailaren 23ra arte duzue parte hartzeko aukera
• Makusi lan-taldea irabazleekin harremanetan jarriko da

Jarraitu MAKUSIren webguneko eta sare sozialetako edukiak, kideentzako abantaila esklusiboak, zozketak, parte hartzeko ekimenak, argazki-lehiaketak... Hori guztia, eta askoz gehiago, MAKUSIn.